Luk 18 | UBUKALA | STEP | Walse, Yesusini ‘Eno alieli Pulu Yemo kinie ungu ningu siye naa kolangi.’ nimbe yu lombili andolimendo ungu iko te topalie nimbendo:

Luke 18

18:1:8 Pulu Yemo Kote Pilipe Molombamonga Ungu Ikomo

1 Walse, Yesusini ‘Eno alieli Pulu Yemo kinie ungu ningu siye naa kolangi.’ nimbe yu lombili andolimendo ungu iko te topalie nimbendo:

2 “Walse, kolea tenga kote pilierimu ye te molorumu. Kanu kote pilierimu yemo yu Pulu Yemo kepe mana yemboma kepe, pipili naa kolorumu. 3 Kanu koleana ambo waye te molorumula. Kanu ambomo yuni kote pilieli yemo molorumune alieli omba yundu nimbendo: “Na tepa kenjerimu yemo kote tendambo. Nuni na liku tapondoko kote pilindei.” nimbe mawa te-pou-pou terimu.

4 Ambomo ou kokele orumu kinie kote pilieli yemone yundu “Molo, nunge kote naa pilindimbo.” nirimu nalo ambomo yu alieli omba mawa terimumunge kote pilieli yemo pilipe keri pilipelie yu yuyu nimbendo: ‘Na Pulu Yemo pipili naa kolopo, yemboma kondo naa kolopo molio 5 nalo i ambo wayemo alieli omba walsilimomonga pe altopa omba mawa temba kinie na kamu pilipu keri pilimbo kene yunge kote pilindembo.’ nirimu.” ⸤nimbe Yesusini⸥ nirimu.

6 Awili ⸤Yesusini aku ungu ikomo topa pora sipelie⸥ ungu te pea nimbendo: “Kote pilierimu ye kerimuni ambo wayemondo terimu mele pilieyo. 7 Aku sipe mele Pulu Yemone yunge yemboma umbune silimele yemboma aku telemelemonga kote pilieli yemo molopalie kote naa tendembaye? Yunge ou mako torumu yembomane ipulueli kepe tangoli kepe alieli “Olionga kote pilindei.” ningu mawa telemele kinie yuni enonga kote naa pilindimbeye? Yuou we molopa pe mele “Eno lipu tapondambo.” nimbe taka lipe ombáye? 8 Yu temba mele nimbu siembo: Pulu Yemo yu welea omba yunge yemboma lipe tapondombando, eno umbune silimele yemboma kote tendepalie mindili simbe. Nalo Manie Omba Mana Ye A Lierimu Yemo kelepa wale talo sipe manie ombá kinie “Yembo marene ‘Yuni eno lipe tapondomba.’ ningu yu mawa teko molonge molo molonje?” nimbe omba kanomba.” nirimu.

18:9-14 Ye Parisi Te Kinie Kou Takisi Lili Ye Te Kinie Elonga Ungu Ikomo

9 Yembo mare eno enone pilkulie ‘Na peanga. Na sumbi sipu molio, yembo lupema molko kenjilimele. Eno yembo kerime. Eno kinie tapu topo naa molambo.’ ningu pilku andoko moloringi yembomando Yesusini iungu ikomo topalie nimbendo:

10 “Ye talo yu mele mele ‘Pulu Yemo kinie ungu niembili.’ ningulu Pulu Yemo popo toko kaloringi ulke tembelena puringili. Te Parisi ye te, te kou takisi lili ye te.

11 Parisi yemo ^{▼▼18:11*bokumunge alsena anjokondo “11. Farisi”.} pende tepa ola angilipelie yu yuyu konopuni pilierimu ungume nimbendo: “Pulu Yemo, yembolupe molemele mele na aku sipu naa moliomonga nu “Ange.” nikiru. Eno wa nongo, ulu pulu kerime teko, ambo yema wa ulu kerinele teko, telemele. Ikou takisi lili yemo tepa molemo mele kepe na naa telio. 12 Na koro tenga tenga wale talo langi mi topo naa nombo, ^{▼▼18:12*ungu pulu te Mateyu 9:14*.} kou mone kinie melema kinie mele tene tene nimbu liomanga telu telu nimbu nu silio.” nirimu. ^{▼▼18:12**inie yakondo 11:42, ungu pulu te 11:42*.}

13 Nalo kou takisi lili yemo nondopa naa omba anjo tenga lupe ma kanopa angilipe, ‘Na ye paa keri te.’ nimbe pilipelie pipili kolopa ki-lumuni yunge luwine topa angilipelie nimbendo: “Pulu Yemo, na konopune ulu pulu keri peli yemo kondo kolou.” nirimu.” ⸤nimbe Yesusini nirimu.⸥

14 “Nane enondo paa sike nimbu sikirumu: Iyeselonga Pulu Yemone kou takisi lili yemonga ulu pulu kerime siye kolopa, yu ‘ye sumbi nilimu.’ nimbe kanopa molopili lkondo purumu, nalo Parisi yemo yunge ulu pulu kerime konopune we pepili lkondo purumu. ^{▼▼18:14*inie yakondo 15:7*.} Yembo enono imbi liku ola mundulimele yemboma Pulu Yemone topa manie mundumbe, nalo yembo enono toko manie mundulimele yemboma yuni enonga imbime lipe ola mundundumbe.” nirimu.

18:15-17 ‘Yesusini Ambolangomando “Pulu Yemone Eno Sewe Anjepili.” Nirimu Temanemo ^{▼▼18:15-17 Temanemo*Mateyu 19:13-15, Mako 10:13-16.}

15 Kanu kinie yembomane enonga ambolango kangama ‘Yesusi yunge kimuni ambolopili.’ ningu yu molorumune mengo oringi. Mengo onge oringi kanokolie Yesusi lombili andolimene iri toko ⸤“Naa mengo waa.”⸥ niringi.

16 Nalo Yesusini ambolangomando “Waa.” nimbelie ⸤yu lombili andolimendo⸥ nimbendo: “Pulu Yemo ye nomi kingimu molopa nokolemo yembo talape akumu ^{▼▼18:16*,29 bokumunge alsena anjokondo “20. kingdom”.} i ambolangoma mele molemele yemboma enonga yembo talapemo kene enone i ambolangoma na moliona wangi pipi siku “Molo.” naa niee.” ⸤nirimu.⸥ 17 “Nane enondo paa sike nimbu sikirumu: Ambolangomane ^{▼▼18:16-17*bokumunge alsena anjokondo “31.4. tok bokis bilong pikinini”.} ‘Pulu Yemo olionga ye nomi kingimu molopili.’ ningu molemele mele aku siku naa nilimele yemboma yunge koleana suku paa naa punge, molo.” nirimu.

18:18-30 Ye Kamako Tenga Temanemo ^{▼▼18:18-30 Temanemo*Mateyu 19:16-29, Mako 10:17-30. Ungu pulu talo inie yakondo 12:31-21, Mateyu 16:26.}

18 ⸤Walse Juda yembomanga⸥ ye nomi te Yesusi molorumune omba yundu walsipe pilipelie nimbendo: “Ungu Mane Sili Peangamo, na nambolka uluri tembo kinie na konde molopa kondopa mindi puli ulu pulumu limboye?” nirimu. ^{▼▼18:18*,30bokumunge alsena anjokondo “24. laip”.}

19 Yesusini yundu nimbendo: “Nuni na nambemune “Peangamo.” nikinuye? Yembo peanga te molo. Pulu Yemo mindi peangamo.” ⸤nirimu.⸥ ^{▼▼18:19*ungu pulu te Mako 10:18*.}

20 ⸤Aku nimbelie yemone walserimumunge topondopa nimbendo:⸥ “Nu ⸤Pulu Yemonga⸥ ungu manema ⸤Mosisini yando nimbe sirimume⸥ pilino. Yuni nimbendo:

“Ambo ye pulime molo ye ambo lilime yembo lupema-kinie

wa ulu kerinele naa teangi.” nimbe,

“Yembo toko naa kondangi.” nimbe,

“Melema wa naa liengi.” nimbe,

“Yembomanga kote kolo toko naa tendangi.” nimbe,

“Aminieli lanieli kinie teko kondoko,

ungu ninge mele pilku liku teko molangi.” nimbe, ^{▼▼18:20*Aku ungu manema ungu-mane rureponga-talonga pokore, kewa ungune ‘tenepella llo’ nilimolo kanumu. WendoOringi 20:12-16, Ungu Manema 5:16-20.}

ungu mane akume sirimu pelemo kanumu.” nirimu.

21 Aku nirimu kinie pilipelie kanu yemone nimbendo: “Na kangomo molopolie aku ungu manema pali pilipu lipu tepo molorundu mele yandopa kinié kepe tepo molioko.” nirimu.

22 Yu aku nirimu pilipelie Yesusini yundu nimbendo: “Papu teleno nalo ulu telu mindi naa teleno. Nu puku nunge mele nosilinoma pali kou mone li-pukulie, kou mone linime yembo koropama moke teko sikulie na lombili ou.” nirimu. “Nunge ⸤mana⸥ melema aku teni kinie mulu koleana nunge mele kande kandema lemba.” nirimu.

23 Kanu ye nomimu mele paa kande kandema noserimu kulu Yesusini aku nirimu kinie pilipelie yu konopu keri panjipe konopu umbune paa tepili anjo purumu.

24 Yu aku sipe purumu kanopalie Yesusini yu lombili andolimendo nimbendo: “Pulu Yemo ye nomi kingimu molopa nokolemo koleana suku pungendo yembo kamakoma paamindili siku suku punge. 25 Kongi kemele ⸤kongi paaawili te ^{▼▼18:25*pikisa te Mako 10:25.} nalo⸥ kale suru toline suku pumbendo mindili kanga mele sipelie pumbe. Nalo yembo kamakoma Pulu Yemo ye nomi kingimu molopa nokolemo koleana suku pungendo mindili paa awili mele siku punge.” nirimu. ^{▼▼18:24-25**inie yakondo 16:13.}

26 Yuni aku nirimu pilieringi yembomane ningendo: “Aku liemo mindili nolemela aulkena nawe manda wendo pupe, molopo kondomolo aulkena pumbeye? ^{▼▼18:26*bokumunge alsena anjokondo “21. kisim bek”.} Te molonje?” niringi kinie

27 yuni enondo nimbendo: “Yembomane paamanda naa telemele ulume Pulu Yemone manda temba. Pulu Yemo yuni ulume pali kapola telemo. Ulu te yuni manda naa temba te molo.” nirimu.

28 ⸤Yuni aku nirimu kinie pilipelie⸥ Pitane yundu nimbendo: “⸤Pe olio-kinie nambolka uluri wendo ombáye?⸥ Olio olionga melema pali mundupu siye kolopo nu lombili purumulu mele pulimolo kanumu.” nirimu.

29 Yesusini nimbendo: “Nane enondo paa sike nimbu sikirumu: Pulu Yemo omba ye nomi kingimu molopa nokomba walemo ^{▼▼18:29*,16 bokumunge alsena anjokondo “20. kingdom”.} wendo ombá mele ‘Yemboma piliengi!’ ningu siliku andongendo enonga ulkema kinie, menupili kinie, angenupili kinie, anupili lapali kinie, ambolangoma kinie, akume munduku siye kolonge yemboma pali 30 ya mana paa olandopa mele awisili likulie pe punge koleana konde molko kondoko mindi puli ulu pulumu lingela.” nirimu.

18:31-34 Yesusini Yu Kolopalie Lomboropa Ola Molomba Mele Altopa Wale Yepoko Sipe Nimbe Para Sirimu Temanemo ^{▼▼18:31-34 Temanemo*Mateyu 20:17-19, Mako 10:32-34. Ou akumu wale talo nimbe para sirimu unguselo inie yakondo 9:22, 9:44-45.}

31 Kanu kinie Yesusini ⸤yu lombili andoli⸥ ye engaki rurepo ‘na kinie eno kinie oliolio molamili.’ nimbe eno lipe anjo memba pupelie enondo nimbendo:

“Pilieme. Olio kolea awili Jerusalleme pumolo pukumulu. ^{▼▼18:31*ungu pulu te Mateyu 20:18*.} Akune pumolo kinie ou Pulu Yemone ungu umbu tondorumume pilku yemboma ningu siringi yemane wendo ombá mele ningu bokune toringi ulume pali Manie Omba Mana Ye A Lierimu Yemo-kinie kamu wendo ombá. 32 Juda yembomanga ye awilimene Manie Omba Mana Ye A Lierimu Yemo liku Juda ye naa molemele yema singe. ^{▼▼18:32*inie anjokondo 23:1; ungu pulu te Mateyu 20:19*.} Enone yu ungu taka tondoko yu teko kenjiku yunge kumbikerena olkambe toko, 33 yu ka pulsene toko yu toko kondonge. Yu toko kondonge kinie wale yepoko sipemonga lomboropa ola molomba.” nirimu.

34 Nalo yuni ungu nirimumu pilku sundoringi. Ungu pulumu naa pilkulie ungu nirimumu pilku sundoringi.

18:35-43 Yesusini Mongo Keri Lierimu Ye Te Tepa Konde Lsimu Temanemo ^{▼▼18:35-43 Temanemo*Mateyu 20:29-34, Mako 10:46-52.}

35 Kanu kinie Yesusi Jeriko taono nondopa ombá orumu kinie mongo keri lierimu ye te aulke alselsena molopa yemboma “Kou mone siee.” nimbe mawa terimu. 36 Kanu yemone yembo awisili ongo punge puringi pilipelie yuni “Nambe-ekemeleye?” nimbe walserimu kinie

37 enone yundu ningendo: “Nasarete ye Yesusi omba pukumu.” ningu, ningu siringi.

38 Aku niringi pilipelie yuni tondolo ru nimbe walsipelie nimbendo: “Yesusi, ⸤ye nomi kingi⸥ Depisini kalopa lsimu yemo, na kondo kolou.” nirimu.

39 Kumbi leko puringi yembomane yu iri toko “Nuungu naa nili taka liku molou.” niringi.

Nalo yuni paa tondolo ru nimbe walsipelie nimbendo: “Depisini kalopa lsimu yemo, na kondo kolou.” nirimu.

40 Yesusi we angilipelie “Yu yando mengo waa.” nirimu. Yu Yesusi angilierimune nondopa orumu kinie Yesusini yundu walsipe pilipelie nimbendo: 41 “Nane nu nambe-eambo konopu lekenoye?” nirimu.

Yuni topondopa nimbendo: “Awilimu, ^{▼▼18:41*bokumunge alsena anjokondo “6. bikpela”.} na mongone melema kanambo nanga mongoselo teko peanga tendani.” nirimu.

42 Yesusini yundu nimbendo: “‘Nane nunge mongoselo kapola tendembo.’ konopu lienumunge nu umbu mongo kapola angiliepili.” nirimu. 43 Yesusini aku nirimu kinie yu tamburumbu mongoselo peanga lierimu, melema kanopalie Pulu Yemo kapi nimbe yunge imbi lipe ola mundundulipe Yesusi lombili purumu. Yembomane pali kanu ulu ⸤tondolo wendo orumumu⸥ kanokolie enone kepe Pulu Yemo kapi niringi.

Luke 18

18:1:8 Pulu Yemo Kote Pilipe Molombamonga Ungu Ikomo

18:9-14 Ye Parisi Te Kinie Kou Takisi Lili Ye Te Kinie Elonga Ungu Ikomo

18:15-17 ‘Yesusini Ambolangomando “Pulu Yemone Eno Sewe Anjepili.” Nirimu Temanemo ▼▼18:15-17 Temanemo*Mateyu 19:13-15, Mako 10:13-16.

18:18-30 Ye Kamako Tenga Temanemo ▼▼18:18-30 Temanemo*Mateyu 19:16-29, Mako 10:17-30. Ungu pulu talo inie yakondo 12:31-21, Mateyu 16:26.

18:31-34 Yesusini Yu Kolopalie Lomboropa Ola Molomba Mele Altopa Wale Yepoko Sipe Nimbe Para Sirimu Temanemo ▼▼18:31-34 Temanemo*Mateyu 20:17-19, Mako 10:32-34. Ou akumu wale talo nimbe para sirimu unguselo inie yakondo 9:22, 9:44-45.

18:35-43 Yesusini Mongo Keri Lierimu Ye Te Tepa Konde Lsimu Temanemo ▼▼18:35-43 Temanemo*Mateyu 20:29-34, Mako 10:46-52.

18:15-17 ‘Yesusini Ambolangomando “Pulu Yemone Eno Sewe Anjepili.” Nirimu Temanemo ^{▼▼18:15-17 Temanemo*Mateyu 19:13-15, Mako 10:13-16.}

18:18-30 Ye Kamako Tenga Temanemo ^{▼▼18:18-30 Temanemo*Mateyu 19:16-29, Mako 10:17-30. Ungu pulu talo inie yakondo 12:31-21, Mateyu 16:26.}

18:31-34 Yesusini Yu Kolopalie Lomboropa Ola Molomba Mele Altopa Wale Yepoko Sipe Nimbe Para Sirimu Temanemo ^{▼▼18:31-34 Temanemo*Mateyu 20:17-19, Mako 10:32-34. Ou akumu wale talo nimbe para sirimu unguselo inie yakondo 9:22, 9:44-45.}

18:35-43 Yesusini Mongo Keri Lierimu Ye Te Tepa Konde Lsimu Temanemo ^{▼▼18:35-43 Temanemo*Mateyu 20:29-34, Mako 10:46-52.}